Ҳаштумин озмуни байни минтақавии қориёни Қуръон дар доираи даҳумин форуми солонаи “Ҷаҳони мусалмон” рӯзҳои 20-22 май дар шаҳри Перми Русия баргузор шуд. Дар ин озмун 42 намоянда аз 17 минтақаи Русия ширкат варзиданд.
Илҳом Бабарсов раиси Идораи руҳонии мусулмонони қаламрави Перми Русия изҳор дошт, ки озмун хеле ҷиддӣ буд. Ба гуфтаи ӯ, донистани таҷвид, интонатсияи дуруст, ҳатто овози зебо ҳангоми интихоби ғолибон ҳама чиз ба назар гирифта шуд. Ғалаба осон набуд ва мукофотҳо арзанда буданд.
Бурҳониддин Раҳимов зодаи Тоҷикистон, ки айни ҳоли донишчӯ ва дар Русия ба сар мебарад, дар ин номинатсия мақоми аввалро ба даст овард ва барои адои Ҳаҷҷи умра ҳамчун яке аз ҷоизаҳо роҳхат гирифт.
Раиси Идораи руҳонии мусулмонони Перм дар идомаи суҳбаташ афзуд, мо аз сидқи дил ба Бурҳониддин табрик гуфта, барои минбаъда ширкат ва пирӯзияш дар мусобиқоти байналмилалӣ орзӯи муваффақият мекунем.
Ёдовар мешавем, ки озмун аз рӯи чанд қисм – ҳифзи ду, панҷ, даҳ, понздаҳ ва си ҷузъ баргузор гардид.
