Вазири корҳои хориҷии Ҷумҳурии Тоҷикистон Сироҷиддин Муҳриддин бо Сафири фавқулода ва мухтори Ҷумҳурии Қирғизистон дар Ҷумҳурии Тоҷикистон Ҷаниш Рустенбеков мулоқот кард.
Бино ба иттилои сомонаи Вазорати корҳои хориҷии Тоҷикитсон, имрӯз, 10-уми феврали соли 2022 Сироҷиддин Муҳириддин Ҷаниш Рустенбековро ба муносибати анҷом ёфтани маъмурияти дипломатиаш дар Тоҷикистон ба ҳузур пазируфт.
Ба қавли манбаъ, “дар рафти мулоқот ҷонибҳо зарурати рушди пайдарпайи муносибатҳои Тоҷикистон ва Қирғизистонро бар асоси рукнҳои дӯстӣ ва ҳусни ҳамҷаворӣ таъкид намуданд.”
Гуфта мешавад, 5-уми декбари соли 2018 Ҷаниш Рустенбеков бо фармони президенти пешини Қирғизистон Сооронбой Ҷеенбеков дар Тоҷикистон Сафир таъйин шуда буд. 2-уми феврали соли 2022 пас аз низоъҳои ахири марзӣ дар Исфара Ҷаниш Рустенбеков бо фармони президенти ин кишвар аз симати сафирӣ барканор шуд.
