Мурофиаи кассатсионии журналист ва блогири тоҷик Далери Имомалӣ дар Сизои шаҳри Душанбе бетағйири суд ба поён расид.
Бино ба иттилои Азия Плюс, 2-уми декбари соли 2022 марҳилаи кассатсисонии парвандаи судии Далери Имомалӣ, блогери шинохтаи тоҷик ин дафъа ҳам дар Сизои шаҳри Душанбе баргузор шуд.
Ба қавли манбаъ, Додгоҳи шаҳри Душанбе ҳукми суди ноҳияи Шоҳмансури пойтахтро аз 17-уми октябри соли ҷорӣ бетағйир гузошт, ва “Саъдулло Қаююмзода афзуд, азм доранд аз болои ҳукми Додгоҳи ноҳияи Шоҳмансур ҳамчунин, ба зинаи болоии додгоҳ – назоратӣ шикоят баранд.”
Пеш аз ин Далери Имомалӣ бо фиристодани номае аз зиндон ба унвони Эмомалӣ Рамҳон ҳукми додгоҳро эътироф накарда, гуфта буд, ки тафтиши парвандаи ӯ “пур аз дурӯғу буҳтон ва духӯрагиҳо” аст.
Инчунин мақомоти Тоҷикистон Далери Имомалиро барои як суҳбати кӯтоҳаш бо яке аз аъзои ҳаракати сиёсии “Гурӯҳи -24” муттаҳам карданд, ки ҳам худи Далер ва ҳам ин ҳаракати сиёсӣ иддаои мақомотро рад карданд.
Гуфта мешавад, мақомоти додгоҳӣ ҳар ду мурофиаҳоро пушти дарҳои баста дар Боздоштгоҳи муваққатии шаҳри Душанбе (СИЗО) баргузор карданд ва нагузоштанд, ки назидкону пайвандони ин журналист дар ҷаласаҳои додгоҳӣ ширкат кунанд.
Шоми 15-уми июни соли ҷорӣ Додситони ноҳияи Шоҳмансур рӯзноманигорон Далери Имомалӣ ва Абдулло Ғурбатиро расман боздошт ва алайҳи онҳо парвандаҳои ҷиноӣ боз карда буд.
Шоми 17-уми октябри соли 2022 рӯзноманигор ва блогери шинохтаи тоҷик Далери Имомлӣ дар Боздошгоҳи муваққатии шаҳри Душанбе бо ҳукми додрас Даврон Назарзода барои 10 сол аз озодӣ маҳрум карда шуда буд.
