Эмомалӣ Раҳмон, ки расман бо сафари дурӯза асри дирӯз вориди Теҳрон шуда буд, имрӯз ҳамзамон аз хориҷ ё дохили кишвар нишаста 3 судяро аз вазифаҳояшон барканор кард?
Имрӯз, 30-юми майи соли 2022, Гуфта мешавад, маъмулан вақте сарони кишварҳо ва ё меҳмонони олиқадари хориҷӣ вориди Теҳрон мешаванд, ба дидору мулоқоти раҳбари Эрон Оятуллоҳ Алии Хоманаӣ низ мераванд, вале то кунун ҳеч яке аз мақомоти расмӣ ва расонаҳои ду кишвар иттилоъ надодаанд, ки Эмомалӣ Раҳмон бо Алии Хоманаӣ мулоқоте дошта ё на. Ин ҳам дар ҳолест, ки пас аз расонаӣ шудани фармони Президенти Тоҷикистон аз шаҳри Душанбе дар хусуси барканори кардани ин се судя Хадамоти матбуоти президент дар сомонааш хабар дода, ки Эмомалӣ Раҳмон бо муовини раиси ҷумҳури исломии Эрон Муҳаммад Мухбир мулоқот кардааст. Бо ин ҳол, имрӯз 30-уми май зоҳиран сафари Эмомалӣ Раҳмон дар Эрон идома дорад, вале маълум нест ӯ кай ва чӣ гуна фармони аз кор озод кардани судяҳоро дар Душанбе имрӯз имзо кардааст. Аз сӯи дигар Хадамоти матуботи Эмомалӣ Раҳмон расман дар бораи 16 санади ҳамкорӣ байни Тоҷикистону Эрон ҳангоми ин сафар хабар додааст, вале Хабаргузории расмии Эрон IRNA мегӯяд, ки ҷонибҳо 17 зери 17 санад имзо кардаанд. Эмомалӣ Раҳмон бо даъвати расмии ҳамтои эрониаш Сайид Иброҳим Раисӣ, асри 29-уми майи соли ҷорӣ расман барои ду рӯз дар раъси як ҳайати баландпояи ҳукуматӣ вориди Теҳрон шуда, бо истиқболи Вазири нерӯи Ҷумҳурии Исломии Эрон Алиакбар Меҳробиён дар фурӯдгоҳи Меҳрободи Теҳрон рӯбарӯ гардида буд.
