Қарор аст Эмомалӣ Раҳмон рӯзи 9 май барои иштирок дар паради бахшида ба 76-солгарди Ҷашни Ғалаб дар Маскав ширкат варзад. Дар ин бора ТАСС хабар дод.
Гуфта мешавад, Раҳмон бо Путин низ мулоқот анҷом хоҳад дод. Президентҳои ду кишвар зимни мулоқоти навбатӣ, муноқиша дар марзи Тоҷикистону Қирғизистонро, ки дар охири моҳи апрел ба вуқӯъ пайваст, баррасӣ хоҳанд кард.
Бино ба иттилои ТАСС, мавзӯи гуфтугӯи раҳбарони ду кишварро намояндаи расмии Кремл Дмитрий Песков ифшо кард. “Албатта вазъ дар марз гуфта хоҳад шуд”, – гуфт котиби матбуотии президенти Русия дар посух ба суоли рӯзноманигорон.
Ба гуфтаи Песков, Путин ва Раҳмон рӯзи 8 май дар остонаи Рӯзи Ғалаба дар Маскав мулоқот мекунанд. Ҳамзамон ӯ таъкид кард, ки сафари раисҷумҳури Тоҷикистон ҳанӯз қабл аз шиддат гирифтани вазъ дар марзи Тоҷикистону Қирғизистон мувофиқа шуда буд.
Гуфта мешавад, ки Президети Қирғизистон Содир Ҷабборов дар ин Парад иштирок намекунад.
