Имрӯз, 27-уми январи соли 2023 Президенти Тоҷикистон Эмомалӣ Раҳмон бо Президенти Туркманистон Сардор Бердимуҳаммадов суҳбати телефонӣ анҷом дод.
Бино ба иттилои дафтари матбуоти Президет, ин суҳбат дар чорчӯби 30-солагии муносибатҳои дипломатӣ байни ду кишвар доир шуда, президентҳо якдигарро ба ин муносибат табрик карданд.
Президентҳо “раванди тавсеаи ҳамкории иқтисодиву тиҷоратӣ, робитаҳои фарҳангию гуманитарӣ ва байнипарлумонӣ, ҳамчунин дигар ҷанбаҳои муносибатҳои байниҳамдигариро дар қолаби шарикии стратегӣ мусбат арзёбӣ намуданд.”, омадааст дар хабар.
Гуфта мешавад, дар ниҳояти ин суҳбати телефонӣ Эмомалӣ Раҳмон аз Президенти Туркманистон Сардор Бердимуҳаммадов барои анҷоми сафари расмӣ ва боздид аз Тоҷикистон даъват кард.
