Эмомҳусайн Умарови 11-сола ба китоби рекордҳои “Гиннес” шомил шуд. Дар ин бора мураббии муҳорибаҳои омехта Ризвон Ошурмамадов бо нашри наворе дар шабакаи ютубии худ (Rizvan mma) хабар дод.
Эмомҳусайни наврас ба хотири анҷом додани 5 ҳазору 200 “отжимания” дар ҳузури доварон ба китоби рекордҳои “Гиннес” ворид гаштааст.
Номи Эмомҳусайн Умаров ҳанӯз солҳои 2017- 2018 дар сархати расонаҳо қарор гирифта буд. Он замон расонаҳо навишта буданд, ки Эмомҳусайн 11 ҳазор “отжимания” бе танафассус анҷом дода метавонад.
Волидонаш мегӯянд, ки Эмомҳусайн беш аз 13 ҳазор маротиба “отжимания” кардааст ва то ҳол касе рекорди ӯро нашикааст.
Эмомҳусайн Умаров зодаи деҳаи Болошаҳри Ҷамоати деҳоти «Гулистон»-и ноҳияи Рӯдакӣ мебошанд. Ӯ дар оила фарзанди нуҳум ва хурдии хонавода мебошад. Бояд гуфт, ки Эмомҳусейн Умаров дар ҳоли ҳозир дар шаҳри Красноярски Русия зиндагӣ ва ҳамон ҷо тамрин мекунад
