Умумӣ

Эътирофи Эмомалӣ Раҳмон ва дурӯғи ширкати “Барқи тоҷик”

Эмомалӣ Раҳмон бо имзои дастуре эътироф кардааст, ки дар Тоҷикистон лимити барқ вуҷуд дорад ва ширкати “Барқи тоҷик”-ро вазифадор кардааст, ки онро бекор кунад. Аммо ин ширкат иҷроиши онро муваққатӣ хондааст.

Расонаи давлатии

Ин ширкат, ки аксари сокинони шаҳру деҳот аз моҳи сентябри соли ҷорӣ то кунун рӯзона дар муддати 24 танҳо 8-10 соат бо неруи барқ таъмин мекард, ҳоло ба дурӯғ даъво дорад, ки “таъмини барқ дар баъзе минтақаҳои мамлакат танҳо шабона аз соати 22:00 то 05:00 маҳдуд карда мешуд.”

Гуфта мешавад, ин дастури Эмомалӣ Раҳмон мисли хеле аз дастуру фармонҳои қаблиаш дар муддати 30 соли ахир наметавонад қобили эътимоди мардум ва иҷроиши он пурра ба эътибор гирифта шавад. Зеро вай дар даҳсоли ахир ҷорӣ кардани маҳдудият дар интиқоли барқро чанд бор “афсона” гуфта буд, вале имсол низ аксари сокинон бидуни барқ ва дар сардиву торикӣ ба сар мебаранд.

Инчунин ширкати “Барқи тоҷик” иҷроиши дастурро муваққатӣ ва ба навъе онро “сарбории иловагӣ” хонда таъкид ҳам карда, “дар ҳолати риоя нагардидани тадбирҳои сарфаҷӯии нерӯи барқ ба сербории шабакаҳои барқӣ, тарансформаторҳо ва садамаҳо дар системаи энергетикаи ҷумҳурӣ оварда мерасонад.” ва ба ин баҳона лимити барқ аз нав ҷорӣ мешавад.

Тоҷикистон 9 вилояти Афғонистон, баъзе шаҳру ноҳияҳои Узбекистон ва Қирғизистонро дар ҳама фаслҳои сол ва бидуни ҷорӣ кардани маҳдудият бо нерӯи барқ таъмин мекунад, вале вақте гап дар бораи сокинони кишвари худамон меравад, бо овардани даҳҳо баҳонаҳои беасос мардумро аз нерӯи барқ маҳрум ва онҳоро дар сардиву торикӣ нигаҳ медорад.

amrullokhi
amrullokhi

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти як шаҳрванди Тоҷикистон дар Исроил бо иттиҳоми ҷосусӣ ба нафъи Эрон

AZDA-TV -
Пулис ва Хадамоти амниятии Исроил як шаҳрвандии Тоҷикистону Русияро бо гумони ҷосусӣ ба нафъи Эрон боздошт кардаанд.

Тоҷикистону Русия мехоҳанд ба ҳуқуқи кории муҳоҷирон расидагӣ кунанд

AZDA-TV -
Тоҷикистон ва Русия қасд доранд ҳамкориҳои худро дар самти ҳифзи ҳуқуқи кории муҳоҷирон ва беҳтар намудани шароити кори онҳо тақвият бахшанд.

Чаро яке аз маҳбубтарин ҳаҷвнигорони Тоҷикистон бе унвони давлатӣ аз дунё рафт?

Azda TV 3 -
Ин мақола танҳо дар бораи Бахтиёр Раҳимов нест, дар бораи ҳамаи ҳунармандоне аст, ки солҳои дароз ба фарҳанги тоҷик хидмат кардаанд, аммо танҳо баъд аз маргашон ҷомеа аз хидматҳои онҳо ёд мекунад.

Камбуди сӯзишворӣ дар Русия ва сафҳои тӯлонӣ дар нуқтаҳои фурӯши бензин

Azda TV 3 -
Дар чанд рӯзи охир дар бисёре аз минтақаҳои Русия камбуди бензин ва дигар навъҳои сӯзишворӣ мушоҳида шуда, дар нуқтаҳои фурӯши сӯзишворӣ сафҳои тӯлонии мошинҳо ба вуҷуд омадааст.