Фарёди тоҷикони Афғонистон: “Тоҷиккуширо бас кунед!”

Фаъолони тоҷиктабори Афғонистон бо роҳандозии ҳаштаге зери унвони “StopTajikGenocide” иқдомеро ба роҳ андохтаанд, ки имрӯзҳо ба яке аз калидвожаҳои асосӣ дар бахши форсии шабакаи иҷтимоӣ Твиттер ҷо уфтодааст.

10-уми майи соли 2022 ҳаштаги “

Гуфтанист, тибқи гузоришҳои расонаҳои муътабар ва наворҳои нашршуда дар шабакаҳои иҷтимоӣ дар даргириҳои ахир байни нерӯҳои Аморати исломӣ ва Ҷабҳаи муқовимати миллӣ дар вилоятҳои Панҷшеру Бағлон ва Тахор даҳҳо нафар аз сарбозони Толибон куштаву захмӣ ва асир гирифта шудаанд.

Толибон вуҷуди ҳар навъ даргириеро дар Панҷшер рад мекунанд, аммо тавре расонаҳо ва фаъолони ҷомеаи мадании Афғонистон гузориш медиҳанд, Аморати исломӣ чунин зарбаи сангинеро дар муддати 8 моҳи гузашта, ки қудратро дар даст дорад, то ҳол аз ҷониби нерӯҳои зиддитолибонӣ дар Афғонистон таҷриба накарда буд. Ба ҳамин хотир, бо ирсоли нерӯҳои бештар ва анҷоми қатлҳои дастаҷамъӣ мехоҳад фарҳанги тарсу ваҳшатро дар ин се вилояти умдатан тоҷикнишин зиёдтар кунанд.