“Фатво”-и мулло Абдурраҳими Кулобӣ дар бораи қатли эътирозгарон

Раҳим Каримов, маъруф ба мулло Абдурраҳими Кӯлобӣ дар бораи саркӯб ва қатли эътирозгарони Вилояти Мухтори Кӯҳистони Бадахшон “фатво” додааст.

1-уми июни соли 2022 дар шабакаҳои иҷтимоӣ як навори наздик ба чор дақиқаие роҳ ёфт, ки нишон медиҳад, дар он

Вай бидуни ном бурдан аз Ҳизби наҳзати исломии Тоҷикистон, ки дар гузашта худи ӯ низ яке аз раҳбарони минтақавии ин ҳизб буд, мегӯяд, “соли 1992 ҳамин чизро ҳамин гурӯҳ ташкил кард…”

Пеш аз мулло Абдурраҳим мақомоти Тоҷикистон низ раҳбарони ПМТ-ро ба даст доштан дар ташкили эътирозҳои Бадахшон муттаҳам карда буданд, аммо аксари раҳбарони ҲНИТ ва ПМТ, ки дар кишварҳои Аврупоӣ ба сар мебаранд, ин иддаоҳои мақомотро рад карда гуфтаанд, ки дар ҳодисаҳои ахири ВМКБ даст надоранд.

Ҳодисаҳои ахир дар шаҳри Хоруғ ва ноҳияи Рӯшони Вилояти Мухтори Кӯҳистони Бадахшон, ки тайи се ҳафтаи охир идома доранд, дар асл мардуми осоишта барои таъмини адолат, таҳқиқи парвандаҳои афроди кушта ва захмигардида дар ҳодисаҳои моҳи ноябри соли 2021 ва талаби истеъфои раиси вилоят ва раиси шаҳри Хоруғ оғоз шуда буданд, вале мақомоти корҳои дохилӣ ва амнияти миллӣ бо мардум бархуриди сахт нишон доданд, ки дар натиҷа чандин нафар ҷони худро аз даст дод.

Мақомоти корҳои дохилӣ то кунун дасти кам дар бораи кушта шудани 25 нафар хабар додааст, вале манобеи дигар теъдоди кушташудаҳои нооромиҳои ахир дар ин вилоятро каму беш ҳудуди 70 нафар гуфтаанд. Инчунин тибқи оморҳои расмӣ ва ғайри расмӣ то кунун беш аз 150 нафар боздошт ва даҳҳо каси дигар бо ҷароҳатҳои гуногун захм бардоштаанд.