Дар шаҳри Душанбе Форуми сармоягузории Тоҷикистону Озарбойҷон баргузор мегардад.
Бино ба иттилои расмӣ, 4-уми апрели соли 2023 Форуми сармоягузории Тоҷикистону Озарбойҷон дар бинои Китобхонаи миллӣ дар шаҳри Душанбе баргузор карда мешавад.
Ба қавли манбаъ, дар рафти баргузории ин Форум “масъалаҳо оид ба имкониятҳои ҳамкорӣ дар соҳаҳои саноат, энергетика ва сайёҳӣ дар назар дошта шуда, инчунин имконияти ҳамкорӣ аз ҷониби бахши хусусии ду давлат муаррифӣ мегардад.”
Инчунин, тибқи рӯзномаи баргузории ин Форум нахуст имкониятҳои сармоягузории Тоҷикистону Озарбойҷон муаррифӣ мегарданд ва дар охир ҳам санадҳои дуҷонибаи ҳамкорӣ байни доираҳои соҳибкорию сармоягузории ду кишвар баргузор хоҳад шуд.
Дар назар аст, дар ҳошияи ин чорабинӣ мулоқоти дуҷонибаи соҳибкорони ду давлат дар формати соҳибкор бо соҳибкор (В2В) низ баргузор шавад.
