Сарони кишварҳои ИМА ва Русия гуфтугӯи телефонӣ карданд. Раисҷумҳури Амрико Ҷо Байден рӯзи 13 апрел бо президенти Русия Владимир Путин аз тариқи телефон гуфтугӯ кард. Ду раиси ҷумҳур масоили минтақавиву байналмилалӣ, аз ҷумла муносиботи ИМА бо Русияро баррасӣ карданд.
Бар асоси иттилоъи бахши хабарии Осиёи Марказӣ Байден изҳор дошта, ки ИМА дар ҳифзи истиқлол ва тамомияти арзии Украина мавқеи устувор дорад. Вай хамчунин аз афзоиши ҳузури низомиёни рус дар марз бо Украина изҳори нигарони карда аз Русия даъват карда, ки шиддатро коҳиш диҳад.
Хабари гуфтугӯи телефонии Путин бо Байденро сомонаи Кремл низ нашр намуда аст. Дар сомона гуфта мешавад, ки ин гуфтугӯ бо ташаббуси ҷониби Амрико сурат гирифта аст. Дар иттилои Кремл Байден ба раиси ҷумҳурии Русия пешниҳод карда, ки дар наздиктарин фурсат мулоқот кунанд.
Димитрий Песков сухангӯи раисҷумҳури Русия ба “Коммерсант” дар мавриди даъвати Байден изҳор дошта, ки пешниҳод дар бораи мулоқоти сарони кишварҳои ИМА ва Русия мавриди омӯзиш қарор мегирад.
Қобили ёдоварист, ки пас аз нашри хабар дар бораи занги Байден ба Путин қурби рубли русӣ нисбат ба доллар ва евро ба таври назаррас мустаҳкам шуд. Хамагӣ пас аз ним соати нашри иттилоияи расмии Кохи Сафед қурби рубл нисбат ба доллар ба андозаи 1,53 рубл боло рафт.
