Иттиҳоди Аврупо (ИА) ва Бонки аврупоии таҷдид ва рушд (БАТР) барои беҳбуди системаи обтаъминкунии шаҳри Кӯлоб ҳудуди 17 миллион евро гранту қарз ҷудо мекунанд.
Ба иттилои намояндагии Иттиҳоди Аврупо дар Тоҷикистон, дар доираи лоиҳае ИА 8,4 млн евро грант ва БАТР 8,3 млн евро қарз ба Тоҷикистон медиҳанд.
Лоиҳа имрӯз, 8-уми июн аз ҷониби хонум Марета Ягер, муовини директори генералии Раёсати ҳамкориҳои байналмилалии Комиссияи Аврупо ва ҷаноби Марк Боуман, ноиби президенти БАТР ба имзо мерасад.
Гуфта мешавад, ки тибқи ин лоиҳа беҳтар кардани хадамоти обтаъминкунӣ ва канализатсия, харид ва насби ҳисобкунакҳо, барқарорсозии шабакаҳои обтаъминкунӣ ва ғайраҳо дар шаҳри Кӯлоб дар назар аст.
