Амрико аз се кишвари Осиёи Марказӣ: Тоҷикистон, Ӯзбекинистон ва Қазоқистон хостааст 9 ҳазор шаҳрванди Афғонистонро бо шумули оилаҳояшон, ки 50 ҳазор нафарро ташкил медиҳанд, паноҳ диҳанд.
Ба гузориши Bloomberg, ин 9 ҳазор нафар шаҳрвандоне ҳастанд, ки ба нерӯҳои амрикои дар замони ишғоли Афғонистон фаъолона кӯмак кардаанд ва ҳоло бошад аз интиқоми Толибон метарсанд.
Дар ин гузориш омадааст, Амрико нерӯҳои худ дар пойгоҳи низомии Багроми Афғонистонро пеш аз муҳлати муайяншуда хориҷ кард ва пойгоҳро ба нерӯҳои Афғонистон таслим кардааст.
Иёлоти Муттаҳида гуфт, ки аксари сарбозон то 11 сентябр хоки Афғонистонро тарк мекунанд, вале як ҳайати онҳо, ки тақрибан 650 нафарро ташкил медиҳад барои ҳимояи дипломатҳо дар кишвар нигоҳ дошта мешаванд.
Гуфта мешавад, яке аз ҳадафҳои сафарҳои ахири вазирони хориҷаи Тоҷикистон ва Ӯзбекистон ба Вашингтон ҳам тафҳими ҳамин паёми Амрико ба сарони ин се кишвари Осиёи Марказӣ будааст, то паноҳҷӯёни Афғонистонро дар кишварҳои худ қабул кунанд.
