Касоне, ки дар сафи Қувваҳои муссаллаҳи Тоҷикистон адои хидмат кардаанд бе супурдани имтиҳон вориди донишгоҳ мешаванд.
Ҳукумати Тоҷикистон тарҳеро дар мавриди тағйирот дар бораи вазъияти ҳуқуқии сарбозон омода ва ба палатаи поёнии порлумони кишвар фиристода аст.
Бар асоси тағйирот дар ин тарҳ касоне, ки дар сафи Қувваҳои муссаллаҳи Тоҷикистон адои хидмат намудаанд дар сурати хоҳишашон метавонанд дар донишгоҳҳои низомии кишвар ва берун аз он кишварҳое, ки Тоҷикистон бо онхо қарордод дорад бе супоридани имтиҳон ворид шаванд.
Рустам Шоҳмурод раиси Кумитаи мудофиа ва амният дар палатаи поёнии порлумони кишвар ба “Азия-Плюс” иборз дошт, ки ингуна имтиёз ба аскарони хидматкарда дода мешавад факат барои дохил шудан ба донишгоҳҳои низомӣ, ин имтиёз ба донишгоҳҳои ғайри низомӣ дахл надорад. Рустам Шоҳмурод афзуд, ки ин имтиёз барои дохил шудан ба донишгоҳҳои низомии дигар кишварҳо, ки Тоҷикистон бо онҳо қарордод дорад низ дахл дорад.
Ёдовар мешавем, ки дар Тоҷикистон як донишгоҳи низомӣ вобаста ба Вазорати мудофиа амал мекунад, ки дар соли 1993 тасис шуда аст.
