Зимни сафари Эмомалӣ Раҳмон ба Узбекистон байни раҳбарони ду кишвари ҳамсоя чандин созишномаҳои ҳамкорӣ дар самтҳои тиҷорату иқтисод ва фарҳанг ба имзо расид.
Аз ҷумла Хадамоти матбуоти Президенти Узбекистон хабар дод, ки байни Шавкат Мирзиёев, раисҷумҳури Узбекистон ва Эмомалӣ Раҳмон, раисҷумҳури Тоҷикистон “Эъломияи таҳкими дӯстии абадӣ” ба имзо расид.
Шавкат Мирзиёев дар суҳбат бо хабарнигорон аз рушди ҳамкориҳои дуҷониба васф намуда, иброз дошт, ки “мо Эъломияи таърихиро дар бораи таҳкими дӯстӣ ва иттиҳоди абадӣ ба имзо расонидем”.
Дар суҳбатҳои раисҷумҳурони ду кишвар масъалаи пешрафти ҳамкоирҳи шаш соли ахир Узбекистон ва Тоҷикистон ва даст ёфтан ба пешрафтҳои назаррас садо дод.
Гуфта мешавад, раҳбарони Узбакистон ва Тоҷикистон зимни мулоқоти худ ҳамчунин доир ба масъалаҳои амнияту суботи минтақа низ гуфтугӯ карда, бар аҳамияти вижаи вохӯриҳои машваратии сарони кишварҳои Осиёи Марказӣ дар ин замина таъкид карданд.
