Рӯзи якшанбе давраи дуюми интихоботи президентӣ дар Лаҳистон (Полша) баргузор гардид, ки дар он президенти кунунии ин кишвар Анджей Дуда ва шаҳрдории Варшава Рафал Тшасковский рақобат доштанд.
Бинобар маълумоти ғайрирасмии Комиссияи миллии интхоботи Лаҳистон баъди ҳисоби 99, 97% орои интихобкунандагон Анджей Дуда бо ба даст оавардани 51,21% овоз дигарбора рпезидент интихоб гардид. Дар ин бора рӯзи 13-уми июл расонаҳои Лаҳистон хабар доданд.
Ба гузориши Комиссияи милли интихобот аз шаҳрдори Варшава Рафал Тшасковский 48,79 % овоздиҳандагон аз ӯ пуштибонӣ кардаанд. Комиссияи миллии интихоботи Лаҳистон гуфт, дар интихоботи рӯзи якшанбе тақрибан ҳафтод дар сади интихобкунандаҳо дар овоздиҳӣ иштирок карданд. Интихобот зери чораҳои сахти беҳдоштӣ баргузор шуд.
Натиҷаҳои расмии даври дуюми интихоботи президентии рӯзи гузашта дар Лаҳистон аз ҷониби Комиссияи давлатии интихобот рӯзи сешанбе 14 июл эълон хоҳад шуд. Раиси Комиссияи миллии интихобот дар ин кишвар мегӯяд, бо вуҷуди он ки як қисме аз бюллетенҳои хориҷа то ҳол ҳисоб карда нашудаанд, ба натиҷаҳои интихобот таъсири зиёд нахоҳанд расонд.
Бояд гуфт, ки барои курсии раёсатҷуиуҳрии Лаҳистон шаҳрдори Варшава аз ҳизби Эътилофи шаҳрвандӣ бо Президенти кунунӣ кишвари Лаҳистон аз ҳизби Қонун ва адолат рақобат карданд. Тшасковский аз ноябри соли 2018 шаҳрдори Варшав интихоб шуда аст.
