Расонаҳои Узбекистон аз оғози размоиши низомии зидди террористӣ дар Тошканд, пойтахти ин кишвар хабар доданд.
Ин размоиши низомӣ имрӯз ва фардо (4-ум ва 5-уми сентябр) таҳти номи “Шарқ зидди террористӣ 2024” бо ҳузури низомиёни кишварҳои Иттиҳоди Давлатҳои Мустақил ва Созмони ҳамкории Шанхай дар Тошканд баргузор мешавад.
Гуфта мешавад, размоиши “Шарқ зидди террористӣ 2024” барои аввал аст, ки дар Узбекистон баргузор мешавад. Раисҷусҳури Узбекистон Шавакт Мирзоев иброз дошт, ки ин размоиши муштарак тавонмандиҳои низомиро барои муқобила бо терроризмро боло мебарад.
Ҳадафи ин размоиш “тақвияти маҳоратҳо ва тавонмандиҳои кишварҳои Иттиҳоди Давлатҳои Мустақил дар муқобили ҳамлаҳои террористӣ” баён шудааст.
Дар ҳошияи ин размоиши зидди террористӣ нишасти кишварҳои Иттиҳоди Давлатҳои Мустақил барои мақобила бо ифротгароӣ ва терроризм баргузор шудааст.
Тоҷикистон, Русия, Беларус, Озорбойҷон, Узбекистон, Малдова ва Қазоқистону Қирғизистон узви Иттиҳоди Давлатҳои Мустақил мебошанд.
