Эргаш Хидирзода, яке аз додрасҳои Додгоҳи вилояти Хатлон аз мақоми худ истеъфо додааст.
Бино ба иттилои расмӣ, 1-уми октябри соли 2024 Эмомалӣ Раҳмон, Президенти Тоҷикистон истеъфои Хидирзода Батир Эргаш, додраси вилояти Хатлонро имзо кардааст.
Хадамоти матбуоти Президенти Тоҷикистон мегӯяд, “Хидирзода Батир Эргаш бо хоҳиши худаш аз вазифаи судяи суди вилояти Хатлон озод карда шавад.”
Пеш аз ин Хидирзода Батир Эргаш дар мақомои раиси Додгоҳи ноҳияи Лахш адои вазифа мекард ва 7-уми феврали соли 2020 бо фармони Президенти Тоҷикистон аз ин вазифа озод ва сипас худи ҳамон рӯз ҳамчун додрас дар Додгоҳи вилояти Хатлон таъйин шуда буд.
Гуфта мешавад, фарҳанги истеъфо дар байни мансабдорони Тоҷикистон қариб, ки ба фаромӯшӣ супурда шудааст. Барои мисол, худи Эмомалӣ Раҳмони 72-сола зиёда аз 30 сол мешавад, ки ҳамчун президент амал мекунад ва бо вуҷуди интиқодҳои зиёд, фишорҳои зиёди саломатии ҷисмонӣ ва нотавониҳои дигар аз қудрат канор рафтан намехоҳад.
