“Истиқлол” пас аз панҷ бохт дар марҳилаи гурӯҳии Лигаи қаҳрамонҳои Конфедератсияи футболи Осиё (КФО)-2022 аввалин ғалабаи худро ба даст овард.
27-уми апрели соли ҷорӣ “Истиқлол”-и Душанбе дар бозии ниҳоии худ дар марҳилаи гурӯҳии Лигаи қаҳрамонҳои КФО-2022 дар гурӯҳи “А” бар дастаи “Шарҷа”-и АМА бо ҳисоби 2:0 пирӯз шуд.
Дар ин бозӣ голҳои Эрик Бокум ва Владислав Касминин ба “Истиқлол” пирӯзӣ оварданд.
Аммо ин ғалаба чизеро иваз намекунад ва “Истиқлол”-и Душанбе ба даври 1/8 ниҳоии Лигаи қаҳрамонҳои КФО-2022 роҳ наёфт.
Дар даври 1/8 ниҳоии Лигаи қаҳрамонҳои AFC-2022 аз гурӯҳи “А” дастаҳои “Ал-Ҳилол” (Арабистони Саудӣ) ва “Ар-Райян” (Қатар) бозӣ мекунанд.
Аз дигар гурӯҳҳо ба даври 1/8 ниҳоӣ “Аш-Шабоб” (Арабистони Саудӣ), “Фулод” (Эрон), “Шабоб Ал-Аҳлӣ” (АМА), “Ал-Дуҳайл” (Қатар), “Ал-Файсалӣ” (Арабистони Саудӣ) ва “Насаф” (Ӯзбекистон) роҳ ёфтанд.
