Раҳбарони Иттиҳоди Аврупо пас аз баҳсу баррасиҳои тӯлонӣ бар сари масдуд кардани аз се ду ҳиссаи воридоти фаровардҳои нафтии Русия ба тавофуқ расиданд.
Сарони кишварҳои Иттиҳоди Аврупо дар нишасти ахири худ, бо вуҷуди зиддияти Маҷористон бар сари таҳрими куллии маводи нефти Русия, ҳаддиақал ба манъи воридоти аз се ду ҳиссаи он ба тавофуқ расиданд.
Шарл Мишел, раиси Шӯрои Аврупо гуфта, ки ин иқдоми навбатии Аврупо алайҳи Русия ба хотири поён додани ҷанг дар Украина гирифта шуда ва умедвор аст “ин иқдом боиси фишори ҳадди аксаре бар Русия барои поён додан ба ҷанг мешавад”.
Гуфта мешавад, сарони кишварҳои аврупоӣ барои ҷорӣ кардани ин таҳрими навбатӣ алайҳи Русия ба ихтилофоте байни худ рӯ ба рӯ шуданд. Маҷористон бештар сари ин масъала мухолифат нишон медод.
Манъи воридоти нафти Русияро ҳамчун таҳрими навбатӣ алайҳи Русия моҳе пеш Комиссияи Аврупо, ки асосан танзимгари қовонини Иддиҳодия аст, пешниҳод карда буд.
