Кафшҳои варзишии баскетболбози машҳур Майкл Ҷордан дар як музояда (ауксион) ба маблағи рекордии 1,47 миллион доллар фурӯхта шуд.
Бино ба гузориши BBC, рӯзи якшанбеи 24-уми октябр дар Лас-Вегас музояда баргузор гардид, ки дар он як ҷуфт кафшҳои варзишии сурх ва сафеди “Nike Air Ships 1984” бо имзои соҳибаш Майкл Ҷордан, аз ҷониби коллексионери маъруф Ник Фиорелла ба маблағи 1,47 миллион доллар харида шуд. Ин баландтарин нархи пойафзол дар таърихи варзиш аст.
Майкл Ҷордан беҳтарин бозигари баскетболи замони худ ба ҳисоб рафта, ин кафшҳоро ҳангоми бозӣ дар мавсими аввали худ дар “Chicago Bulls”пӯшидааст.
Майкл Ҷордан соли 2003 аз варзиш канор рафт.
Гуфтанист, ин гаронтарин кафши фурӯхташуда нест. Моҳи апрели соли гузашта пойафзоли рэпер Кане Уэст (Nike Air Yeezy) дар як музоядаи хусусӣ ба маблағи рекордии 1,8 миллион доллар фурӯхта шуда буд .
