Вазорати кишоварзии Тоҷикистон гуфтааст, дар аввалҳои моҳи ноябр дар ҷумҳурӣ 800 ҳазор тонна картошка ҷамъоварӣ шудааст.
Бино ба иттилои сомоанаи Авесто ҷамъоварии ҳосили картошка нисбат ба соли гузашта 58 тонна зиёд будааст.
Дар Тоҷикистон картошка баъд аз нон дуввумин ғизо ба ҳисоб меравад, ки сокинон аз он бештар истифода мекунанд.
Тибқи иттилои вазорати кишоварзӣ ҳамсола сокинони кишвар зиёда аз як миллиону 200 ҳазор тонна картошка истеъмол мекунанд. Таъмини аҳолӣ аз ҳисоби истеҳсоли дохилӣ ғайри имкон буда, бештари он аз хориҷи кишвар – Покистон, Афғонистон ва Русия ворид карда мешавад.
Моҳи апрел ва май аз сабаи баста гардидани марзҳо нархи як кило кортошка дар бозорҳои Тоҷикистон аз 10 сомон то 15 сомонӣ боло рафт, дар баробари гарон шудани он ба сокинон ба миқдори муайян фурӯхта мешуд.
Ҳоло нархи як кило картошка дар бозорҳои шаҳри Душанбе аз 2 сомону 50 дирам то 4 сомониро ташкил медиҳад.
Ҳумкумати Тоҷикистон тайи чанд соли ахир талош дорад, ки кишти картошкаро дар Тоҷикистон зиёд намояд, вале дар ин самт мувафақ нашудааст.
Коршиносони соҳа дар мавриди номуваффақиятии ҳукумат дар ин ҷода, бар ин назаранд, ки бештари заминҳои обиро, ки бояд дар он картошка ва дигар маҳсулот кишт карда шавад, мақомдорон байни худ тақсим карда, ба ҷойи картошка ва ғалладона боғҳо месозанд ва ё пахта кишт мекунанд.
