Коршиносони Қазоқистон ба ҳамтоёни худ дар кишварҳои Осиёи Марказӣ пешниҳод кардаанд, ки барои рақобат дар тиҷоратҳои ҷаҳонӣ бозорҳои электронии худро таъсис диҳанд.
Ба иттилои “Азия-Плюс“, “Қазоқистон ба кишварҳои ҳамсояаш дар Осиёи Марказӣ пешниҳод дорад, ки барои пайвастан ба тиҷорати байналхалқии электронӣ – Amazon, e-Bay, Alibaba ва AliExpress дар якҷоягӣ талош кунанд.”
Ба гуфтаи ин манбаъ, “ин пешниҳод дар конфронси “Аз харитаҳои роҳи миллӣ то ислоҳоти минтақаӣ” дар шаҳри Нур-Султон баррасӣ шудааст. Ба даъвати Қазоқистон кишварҳои Осиёи Марказӣ барои таъсиси Amazon-и минтақаӣ посухи мусбат додаанд.”
Пеш аз ин кишварҳои Эрон, Покистон, Ҳиндустон ва Русия низ дар минтақа бозорҳои электронии худро дар шабакаҳои ҷаҳонии Интернет таъсис дода, молу коло ва хадамоти зиёдеро пешкаши муштариёни худ қарор дода буданд.
Гуфтанист, бозорҳои электронии “Алибобо”-ву “Алиэкспресс” дар ибтидо аксар молу колоҳои Чин, “Эбай” аз Аврупову “Амазон” бештар аз Амикоро ба фурӯш мегузоштанд, аммо бо шарофати Интернет рӯз то рӯз ҳам хадамоти онҳо зиёдтар мешаванду ҳам бозори муштариёнашон дар тамоми кишварҳои дунё зиёдтар густариш пайдо мекунад.
