Дар мусобиқоти қаҳрамонии ҷаҳон оид ба самбо байни ҷавонон, ки рӯзҳои 14-16-уми октябр дар пойтахти Арманистон, шаҳри Ереван баргузор шуд, паҳлавонони тоҷик ҳафт медал ба даст оварданд.
Варзишгарони наврас ва ҷавони тоҷик, дар қаҳрамонии самбои ҷаҳон, ки аз 14-16-уми октябри соли ҷорӣ дар шаҳри Еревани Арманистон баргузор гардид, ҳафт медал ба даст оварданд.
Бино ба иттилои Кумитаи миллии олимпӣ, дар қаҳрамонии самбои ҷаҳон Тоҷикистонро 17 варзишгар намояндагӣ карда, сазовори як медали тилло, ду нуқра ва чаҳор биринҷӣ гаштанд.
Дар мусобиқа миёни ҷавонон, Фарзиншоҳ Ҳусейнов дар вазни +98кг сазовори медали тилло, Субҳиддин Халилзода (-71 кг) медали нуқра, Мусаниф Миробов (-58 кг) ва Анис Субадоров (-64 кг) сазовори медалҳои биринҷӣ гардиданд.
Абдуллои Ориф миёни наврасони 16-18-сола медали нуқра, Муҳаммадамин Лоиқов ва Аминҷони Абдулфаёз миёни писарони 14-16-сола соҳиби медалҳои биринҷӣ гаштанд.
Дар мусобиқаи қаҳрамонии самбои ҷаҳон 500 варзишгар беш аз 20 кишвар ширкат карда, барои 55 маҷмуи медалҳо қувваозмоӣ намуданд.
