Имрӯз 11-уми октябр ҳайти кории Қирғизистон барои музокира бо ҷониби Тоҷикистон дар мавриди таъйин ва аломатгузории марзҳои муштарак вориди Душанбе шуд.
Ба иттилои расонаҳои давлатӣ, кори ҳайатҳои ҳукматии Тоҷикистону Қирғизистон 4 рӯз идома карда, рӯи таъйин ва аломатгузории марзҳо гуфтугӯ хоҳанд кард.
Чанд соли ахир дар манотиқи марзӣ байни Тоҷикистону Қирғизистон муноқишаҳои зиёд сурат мегирад, ки бори охир рӯзҳои 14-17-уми сентябри соли ҷорӣ сурат гирифт, ки яке аз муноқишаҳои хунинтарин дар таърихи ҳамсоядории ин кишвар ҳисоб мешавад.
Ёдовар мешавем, ки Тоҷикистону Қирғизистон 976 километр бо ҳам марзи муштарак доранд ва то кунун бештар аз 500 километри он мушаххас ва аломатгузорӣ шудааст.
Аксар муноқишаҳои марзӣ дар минтақаҳои номуайяншуда сурат мегиранд, ки то кунун боиси марги даҳҳо нафар аз ду тараф гашта ва харобиҳои бешуморе ба ҷо гузоштааст.
