Собиқ сарвазири Покистон ҳангом як роҳпайпоии эътирозӣ дар байни ҳаводоронаш мавриди ҳамлаи мусаллаҳона қарор гирифта, ҷон ба саломат бурд.
Бино ба иттилои Имрон Хон пас аз барканориаш аз мақоми нахуствазирӣ, ки онро тавтеаи хориҷӣ медонад, бо ташкили роҳпаймоиҳои бузурги шаҳр ба шаҳр ба назди мардум рафта, бо истиқболи гарми онҳо рӯбарӯ мешавад ва ҳамин пазироии мардум боис шуда, ки барои дубора расидан ба қудрат ба сурати ҷиддитар вориди амал шавад. Ҳамла ба корвони собиқ нахуствазири Покистон Имрон Хонро раиси ҷумҳур, сарвазири Покистон ва вазоратҳои умури хориҷии Амрико ва Эрон ҳам маҳкум кардаанд, вале ба қавли Алҷазира, Имрон Хон гуфтааст, ки пушти ин ҳамла Шаҳбоз Шариф, нахуствазири амалкунандаи Покистон бархе сарони артиши кишвараш ҳузур доранд. Гуфта мешавад, ин ҳодиса дар яке аз иёлатҳои Панҷоби Покиситон рух додааст ва Имрон Хон ҳам дар ин ҳодиса се тир аз ноҳияи пойҳояш хӯрда, роҳии бемористон шудааст. Имрон Хон, собиқ крикетбози машҳури Покистон ва раҳбари Ҳизби таҳрики инофи Покистон аст.
