Шаби 11-уми феврал ҷасади раиси ҷамоати деҳоти Ҷӯра Назарови ноҳия Шаҳритуси вилояти Хатлонро ба дор овехта ёфтанд. Дар ин бора “ Манбаъ тасдиқ карда, ки ҷасади Хушқадам Нодиров, раиси ҷамоати деҳоти Ҷӯра Назарови ноҳияи мазкурро овехта пайдо кардаанд. Аммо дар бораи сабабу ангезаҳои рух додани ин ҳодиса чизе гуфта нашудааст. Манбаъ гуфта, ки мақомоти ҳифзи ҳуқуқ ин қазияро тафтиш мекунанд. Гуфта мешавад, ки Хушқадам Нодиров 34 сол дошта, ӯ қаблан ба ҳайси нотариуси давлатӣ, сармутахассиси шӯъбаи танзими анъана ва ҷашну маросимҳои ин ҷамоъат кор кардааст. Ҳоло маълум нест раиси ҷамоати Ҷӯра Назаров худкушӣ карда ва ё касе ӯро ба чунин ҳол овардааст, аммо солҳои ахир шумори нафароне, ки бо ин роҳ худкушӣ мекунанд афзудааст. Мутахассисон сабаби ба чунин амал даст задани шаҳрвандонро дар аксар ҳолатҳо ба мушкилоти равонӣ, иқтисодӣ ва фақру тангдастӣ рабт медиҳанд.
Худкушии раиси ҷамоат дар Шаҳритус
