Ҳукумати Толибон эълом кард, ки ба раҳбари ин гурӯҳ, Мулло Ҳибатуллоҳ Охундзода ҳудуди 2400 доллари амокироӣ маоши моҳона ихтисос додаанд.
Аҳмад Ҳамқал, сухангӯи Вазорати дороии давлати Толибон эълом кард, ки барои Мулло Ҳибатуллоҳ Охундзода, раҳбари ин гурӯҳ, ки то ҳол чеҳрааш дар расонаҳо роҳ наёфтааст, ҳуқуқи моҳона ба миқдори 228750 афғони (чизе ҳудуди 2400 доллари амрикоӣ) дар як моҳ ҷудо шудааст.
Ба ин тартиб маоши нахуствазири Толибон 198250 афғонӣ (муодили 2060 доллари амрикоӣ) ва маоши тамоми вузаро 137250 афғонӣ (наздик ба 1430 доллар) ва маоши волиёни шаҳру минтақаҳо 91500 афғонӣ (ҳудуди 950 доллар) эълом шудааст.
Гуфтанист, то кунун маълумоти дақиқе дар мавриди раҳбари Толибон Мулло Ҳибатуллоҳ Охундзода дастрас нест ва танҳо як акси ӯ дар расонаҳо нашр мешавад.
