Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Панҷекат аз ҳолати осебдидагони ҳодисаи таркиш дар чойхонаи Самарқанд хабар додааст.
Бино ба иттилои сомонаи КҲФ 23 нафар кормандони ошхона, ки 15 нафари онҳо зан ва 8 нафари дигар мардон мебошанд, бо ҷароҳатҳои гуногун дар бемористон бистарӣ карда шуданд.
Қайд мешавад, ки ҳолати се нафар занон, ки аз 21 то 42 сол доранд ва ду нафар аз ҷумлаи мардон, ки ҳарду ҳам 27-солаанд вазнин арзёбӣ гардидааст.
Ба навиштаи сомонаи КҲФ се зани аз 37 то 72-сола, ки дар Шӯъбаи эҳёгарӣ бистарианд, табибон ҳоли онҳоро низ чандон хуб арзёбӣ накардаанд, ҳамчунин вазъи саломатии 9 зан ва ва 5 мард низ дар ҳолати вахим қарор доштааст.
Гуфта шудааст, танҳо як ҷавони 21-сола баъди муоинаи тиббӣ ҷавоб дода шуда, боқӣ ҳамоно дар бемористон таҳти назорати духтурон қарор доранд.
Ин дар ҳолест, ки Вазорати корҳои дохилии Тоҷикистон шумораи осебдидагон ҳодисаи таркиши газ дар Панҷекатро 12 нафар гуфта буд.
