Дар таркише, ки пас аз зуҳри дирӯз дар назди бинои Вазорати корҳои хориҷии Афғонистон сурат гирифт, дасти кам 17 корманди ин вазорат куша шудааст.
Бино ба иттилои расонаҳо, дар таркиши 11-уми январи соли 2023 дар назди бинои Вазорати корҳои хориҷии Афғонистон 16 ва ба як қавли дигар 17 нафар аз кормандони ин вазорат, аз ҷумла 15 дипломат кушта шудааст.
Аммо ба қавли расонаҳо, дар ин ҳодиса дар маҷмуъ дасти кам 20 нафар кушта ва 50 каси дигар захмӣ шудааст. Аксари кушташудаҳо ва захмиҳоро кормандони Вазорати корҳои хориҷии Афғонистон, бахусус дипломатҳо ва нерӯҳои интизомӣ, ки дар таъмини амнияти он иҷрои вазифа мекарданд, ташкил медиҳанд.
Гуфта мешавад, масъулияти ин ҳамлаи мудҳишро шохаи низомии ДИИШ бо номи Хуросон ба уҳда гирифта, гуфтааст, ки ҳадаф аз ҳамлаи террористӣ дипломатҳои хориҷӣ будаанд.
Дар замоне, ки ин ҳамла сурат гирифт, дипломатҳои чинӣ ҳамроҳ бо сафири ин кишвар дар дохили бинои Вазорати корҳои хориҷии Афғонистон машғули дидору гуфтугӯ бо Толибон буданд.
