Эътирозгарони Афғонистон мегӯянд, “ҳодисаҳои 11-уми сентябри соли 2001 ҳеч рабте ба Афғонистон надоранд ва Ҷо Байдан душаманӣ бо Афғонистонро бас кун.”
Ҳазорҳо тан аз афғонҳо дар шаҳрҳои Кобул, Балх, Ҷалолобод ва дигар бузургшаҳрҳои Афғонистон бо баргузории ҳамоишҳои эътирозӣ дар робита ба тасмим Ҷо Бойдан дар бораи пулҳои Афғонистон шиори “марг бар Ҷо Байдан”-у “марг бар Амрико”-ро сар доданд.
Эътирозгарони Афғонистон мегӯянд, ки Ҷо Байдан, раисҷумҳури Амрико ба ноҳақ 3,5 миллиард пулҳои блокшудаи Афғонистонро ба сифати ғаромат ё ҷубронпулӣ ба қурбониёни ҳодисаҳои 11-уми сентябри соли 2001 дар Амрико ҷудо карда додааст.
Дар аску Ба навиштаи ББС, пеш аз ин Ҳомид Карзай, раисҷумҳури пешини Афғонистон дар ҷамъи расонаҳо гуфта буд, ки мардуми Афғонистон худ “қурбонии терроризм” будаанд, чӣ гуна Амрико мехоҳад аз қурбонӣ ғорамат бигирад? Карзай таъкид карда буд: “Ба мардуми Амрико ва ҷаҳон мегӯем, чӣ гуна як миллати фақиру бечораро муттаҳам карда, пулашро мегиред?” Сухангӯи Вазорати хориҷии Чин ҳам дар вокуниш ба он дар сафҳаи тввитриаш гуфта буд, “бойтарин давлати дунё фақиртаринҳоро ғорат мекунад.” Аз ҷониби дигар Ҷамъияти исломии Афғонитсон эълон кардааст, ки “ба озодсозии пули Афғонистон таҳти ҳокимияти Толибон мувофиқ нест ва мехоҳад ин дороӣ ба як ҳукумати қобили қабул таслим дода шавад.” Амруллоҳи Низом, махсус барои Аздо ТВ
