Умумӣ

Кашфи беш аз $9 млн Қосим Роҳбар аз Бонки Швейтсария

Маркази пажӯҳиши фасод ва ҷиноятҳои созмонёфта (

Ба иттилои таҳқиқгарони ин созмон, ки онро Радиои Озодӣ низ нашр кардааст, ҳисоби бонкӣ соли 2004 кушода шуда, то соли 2011 фаъол будааст. Дар он 8 миллиону 883 ҳазору 230 франки швейтсарӣ, ба ҳисоби ҳозира, баробар ба 9 миллиону 641 ҳазору 458 доллари амрикоиро нигоҳ доштаанд. Аммо гуфта нашудааст, ки ин миқдори пули зиёд чӣ гуна ва аз кадом сарчашмаҳо ба даст омадааст.

Дар гузориш гуфта мешавад, ки Қосим Роҳбар дар замони раиси вилояти Суғд ва вазири кишоварзии Тоҷикистон буданаш тиҷорати пахта, як маҳсулоти асосии содиротии Тоҷикистонро дар даст доштааст. Инчунин дар мукотибаҳои сафорати Амрико, ки чанд сол пеш як қисмаш расонаӣ шуд, ӯро ҳатто “саркардаи мафия” ҳам ном бурдаанд.

Бар асоси қонунҳои Тоҷикистон мансабдорони давлатӣ ҳаққи тиҷорат ва кушодани суратҳисобҳои бонкӣ дар хориҷ аз кишвару кучондани маблағ ба хориҷро надоранд.

Дар хусуси ин суратҳисоб бо доштани маблағи зиёд худи Қосим Роҳбар то ҳол ба расонаҳо чизе нагуфтааст.

Қосим Роҳбар, ки дар гузашта бо Қосим Қосимов машҳур буд, 3-юми октябри соли 1964 дар шаҳри Хуҷанд дар оилаи Роҳбар Қосимов, як мансабдори баландпояи он даврон, ба дунё омадаааст. Ӯ моҳи январи соли ҷорӣ бо фармони Президент ба мақоми иҷрокунандаи вазифаи раиси шаҳри Ҳисор таъйин шуд.

Қосим Роҳбар соли 1994, дар 30-солагияш раиси собиқ ноҳияи Хуҷанд (ҳоло ноҳияи Бобоҷон Ғафуров) ва соли 1996 раиси вилояти Суғд таъйин шуда, то соли 2006 дар ин мақом кор кардааст. Баъди тарки ин мақом ӯ то соли 2008 роҳбарии ҳизби ҳокими халқии демократӣ дар вилояти Суғдро бар уҳда дошт. Ӯ аз соли 2008 то 2015 ҳамчун вазири кишоварзӣ ва аз соли 2015 то 2022 раиси Кумитаи рушди маҳали назди Президенти Тоҷикистон кор кардааст.

firuzihait
firuzihait

Хабарро таблиғ кунед:

БЕШТАР БИХОНЕД
БЕШТАР БИХОНЕД

Такер Карлсон: Натанёҳу Трампро барои ҳамлаи ҳастаӣ ба Эрон фишор меорад

AZDA.TV -
Такер Карлсон, рӯзноманигори маъруфи амрикоӣ, ҳушдор додааст, ки эҳтимол дорад Амрико дар рӯзҳои наздик ба Эрон ҳамлаи ҳастаӣ анҷом диҳад.

Бедарак шудани як фаъоли зодаи Бадахшон дар Олмон

AZDA-TV -
19-уми октябри соли ҷорӣ, фаъоли зодаи Бадахшон Саидтаиб Саидмамудов дар Олмон боздошт шудааст ва бо гузашти ду ҳафта аз ӯ хабаре нест.

Намоиши филми Эмомалӣ Раҳмон дар масҷидҳои ноҳияи Ванҷ

Azda TV 3 -
Мақомоти иҷроияи ҳокимияти давлатии ноҳияи Ванҷ аз намоиши филми мустанади «Пешво аз қалби мардум» дар масҷидҳо, инчунин идораҳо ва муассисаҳои ноҳия хабар додаанд.

Русия далелҳои ихроҷи муҳоҷиронро аз 22 ба 45 маврид афзоиш медиҳад

AZDA.TV -
Аз 3-юми ноябр дар Русия қонуни наве мавриди иҷро қарор мегирад, ки шумори моддаҳои ҳуқуқвайронкунии маъмурие, ки ихроҷи шаҳрвандони хориҷиро пешбинӣ мекунанд, аз 22 ба 45 мерасонад.