Котиби Шӯрои амнияти Русия, Николай Патрушев рӯзҳои 22-23 июн ба Тоҷикистон ташриф меорад. Дар ин бора Хадамоти матбуоти Шӯрои Амнияти Русия ба ТАСС хабар дод.
Гуфта мешавад, Патрушев барои иштирок ва суханронӣ дар ҷаласаи навбатии Шӯрои амнияти кишварҳои узви Созмони Ҳамкориҳои Шанхай, ки рӯзҳои 22-23 дар Душанбе баргузор мегардад, ширкат меварзад.
“Патрушев дар Душанбе дар 16-умин ҷаласаи солонаи котибони Шӯроҳои амнияти кишварҳои узви Созмони Ҳамкориҳои Шанхай ширкат хоҳад кард”, – иттилоъ додааст Хадамоти матбуоти Шӯрои Амнияти Русия.
