Бонки Ҷаҳонӣ дар якҷоягӣ бо Ҳукумати Тоҷикистон барномаи ғизои солим, саломатӣ ва таълими кӯдаконро оғоз кардаанд.
20-уми ноябр Бонки Ҷаҳонӣ эълом кард, ки дар ҳамкорӣ бо дигар муассисаҳои молии ҷаҳонӣ мехоҳад бо харҷи 73 миллион доллар ба рушду нумӯи солими кӯдакони хӯрдсол дар Тоҷикистон кумак кунад.
Гуфтанист, ба муносибати Рӯзи ҷаҳонии кӯдакон Бонки Ҷаҳонӣ гуфтааст, ки ҳудуди 20 дарсади сокинони Тоҷикистонро кӯдакони то шашсола ташкил медиҳанд, ки на ҳамаи онҳо ба ғизои солим, хадамоти тандурустӣ ва таълим сари вақт фаро гирифта намешаванд. Бинобар ин Тоҷикистон метавонад бо пуштибонии молӣ ин барномаро иҷро кунад.
