Дар давоми 18 рӯзи ҷанг дар Фаластин 23 хабарнигор кушта ва даҳҳо каси дигар захмӣ шудааст.
Бино ба иттилои расонаҳо, дар давоми 18 ҷанг байни нерӯҳои исроилӣ ва нерӯҳои гурӯҳҳои фаластинӣ ва лубнонӣ 24 хабарнигор кушта ва даҳҳо каси дигар захмӣ шудаанд.
Ба қавли манобеъ, дар ҷамъи хабарнигорони кушта шуда, 19 адади онҳоро рӯзноманигорони фаластинӣ дар Ғазза ташкил медиҳанд. Инчунин 3 хабарнигори исроилӣ ва як хабарнигори лубнонӣ, ки барои Ройтерз кор мекард, низ кушта шудаанд.
Бархе намояндаҳои Созмони Милали Муттаҳид ҳам гуфтаанд, ки талафоти ҷонии рӯзноманигорон дар ин 18 рӯзи ҷанг дар дунё бесобиқа будааст ва ҳамин хотир аз ҷонибҳои даргирӣ дар ин ҷангҳои нобаробар хоста шудааст, ки набояд одамони мулкӣ, ва рӯзноманигоронро мавриди ҳадаф қарор диҳанд.
Гуфта мешавад, аз оғози ҳамлаҳои Исроил ба Борикии Ғазза 18 рӯз мегузарад ва дар давоми ин ҷанг ба гуфтаи намояндаи Вазорати тандурустии Фаластин дар Ғазза дар маҷмӯъ 5791 кушта шудааст, ки аз миқдор 2360 нафари онҳоро кӯдакон ва 1292 каси дигарро занон ташил додаанд. Талафоти ҷонии тарафи исроилӣ ҳам ҳудуди 2300 нафар гуфта мешавад.
