Артиши Русия 4-уми июли соли ҷорӣ аз сарнагун кардани 5 паҳпод, ки гуфта мешавад, Маскавро ҳадаф гирифта буданд, хабар дод.
Бар асари ҳамлаи паҳподӣ фурӯдгоҳи Внукови шаҳри Маскав се соат аз кор монд ва пас аз ин муддат дубора фаъолияти худро аз сар гирифт.
Вазорати дифои Русия рӯзи сешанбе гуфт, ҳадафи ин ҳамла биноҳое дар қаламрави вилояти Маскав ва Маскави Нав буд ва ин ҳамла талафоти ҷонӣ надошт.
Ҳамзамон шаҳрдори Маскав Сергей Собянин низ ба расонаҳо гуфт, ки “имрӯз талоши навбатии ҳамла ба ҳавопаймоҳои бесарнишини украинӣ дар Маскави Нав ва вилояти Маскав сурат гирифт. Ва ин ҳодиса талафоти ҷонӣ надорад.”
“Чаҳор паҳпод тавассути дифои ҳавоӣ ва як паҳподи дигар бо ҷанги электронӣ нобуд карда шуд.“, омадааст дар хабари Вазорати дифои Руся.
Аммо расонаи ТАСС хабар дод, ки яке аз паҳподҳо дар як иншооти низомӣ, дар ҳудуди Кубинкаи наздикии Маскав афтода ва пораҳои яке дигар ба як бинои ёрирасон дар як деҳае дар Маскави Нав афтода, сӯхтор ба вуҷуд омадааст.
Мақомоти низомии Русия мегӯнд, ин ҳамлаҳо аз ҷониби Украина партоп шудаанд. Вале то ҳанӯз мақомоти Укриана инро тасдиқ ва ё рад накардаанд.
