Ҷониби Маскав мегӯяд, ҳамлаҳои мушакии густарда ба шаҳрҳои гуногуни Украинаро дар рӯзҳои оянда низ идома хоҳад дод.
Дмитри Медведов, муовини Шӯрои амнияти Русия мегӯяд, бахши аввали ҳамлаҳо ба Украина анҷом шуд, вале таъкид карда, ки ҳамлаҳои дигаре дар роҳ аст.
Ин дар ҳолест, ки субҳи имрӯз, 10-уми октябр Русия ба шаҳрҳои Украина ҳамлаҳои густардае анҷом дода, зерсохторҳои муҳими энержии Укрианаро бомборон кард, ки дар натиҷа барқу об дар аксар шаҳрҳо қатъ шудааст.
Пулиси Украина мегӯяд, дар натиҷаи ҳамлаҳои мушакии имрӯзаи Русия ба шаҳрҳо ва зерсохторҳои Украина 10 нафар кушта ва ҳудуди 60 нафар захмӣ шудааст.
Русия иддао дорад, ки ҳамлаҳои густардаи имрӯзааш ба Украина бар ивази ҳамла ба пули Қрим будааст, ки рӯзи шанбе тарконда шуд. Ба иддаои Путин, ин ҳамларо маҳз Хадамоти махсуси Украина анҷом додаанд.
