Мавлавӣ Муҷиб-ур-Раҳмони Ансорӣ, яке аз шахсиятҳои рӯҳонӣ ва пурнуфузи Афғонистон имрӯз 2-уми сентябри соли 2022 дар масҷиди Гозаргоҳи Ҳирот кушта шуд.
Расонаҳои маҳаллӣ аз қавли масъулони Толибон кушта шудани ӯро таъйида карда, хабар доданд, ки Ансорӣ дар пайи як инфиҷоре ҳангоми хондани хутбаи намози ҷумъа кушта шуд.
Ба иттилои расонаҳо, бародари Ансорӣ ҳамроҳи 13 муҳофизаш низ дар ин таркиш кушта шудаанд. Ва ҳамчунин чандин намозгузори дигар ҳам дар ин фоҷеа ҷон бохтаанд.
Гурӯҳи ДИИШ ҳамларо ба дӯш гирифтааст. Аммо то ҳанӯз талафоти ҷонӣ аз ин инфиҷор дақиқ нашудааст.
Мавлавӣ Муҷиб-ур-Раҳмони Ансориро аз ҳоимиёни Толибон медонистанд. Ӯ дар гузашта ҳукумати Ашраф Ғаниро ошкоро интиқод мекард ва ҳатто ба хотири суханҳои сахташ борҳо дар расонаҳои ин кишвар хабарсоз шуда буд.
