Муассиси шабакаи паёмрасони “Телеграм” Павел Дуров, ки чаҳор рӯз пеш аз ҷониби пулиси Фаронса боздошт шуда буд, бо ҳукми мақомоти қазоии ин кишвар озод шуд.
Додситонии Фаронса дар баёнияе гуфта, ки Дуров ба хотири қарор додани “Телеграмм” барои фаъолиятҳои ғайриқонунӣ аз ҷониби пулиси Фаронса бозҷӯӣ шуд.
Додраси парвандаи Дуров фармон дода, ки пулис ӯро озод кунад, то муассиси “Телеграм” битавонад барои расидагии парвандааш дар додгоҳ ҳозир шавад.
Пештар додрас боздошти Павел Дуровро 48 соати дигар тамдид карда буд, дар ин муддат ӯ баяд озод мешуд ё дар боздошт мемонд.
Ёдовар мешавем, ки Павел Дуров, муассиси шабкаи “Телеграм” рӯзи 24-уми август ба Фаронса парвоз кард ва расидан баробар фармони боздошти ӯ аз сӯи мақомти Фаронса содир шуд. Худи ҳамон рӯз ӯро пулис дар Фурӯдгоҳи “Ле Бурже” дастгир кард.
Мақомоти Фаронса ӯро бо 12 айбнома муттаҳам мекунанд. Аз ҷумла, ӯ бо “пешниҳод накардани маълумот ба мақомоти ҳифзи ҳуқуқ барои тафтишот”, “ҳамроҳӣ дар фаъолияти платформаи онлайн бо мақсади муомилоти ғайриқонунӣ”, “нигоҳдорӣ ва паҳн кардани порнографияи кӯдакона”, “шарикӣ дар харид, интиқол, нигоҳдорӣ ва фурӯши маводи мухаддир” ва “пулшӯӣ ва пешниҳоди хидматҳои криптографӣ” айбдор мешавад.
Ба навиштаи Politico, ҳукумати Фаронса ҳанӯз моҳи март фармони боздошти Павел Дуров ва бародараш Николайро содир карда буданд. Додситонӣ гуфтааст, тафтиш алайҳи “Телеграмм” ва муассисаш моҳи феврал оғоз шуда буд.
