Қазоқистон 19 шаҳрванди хориҷӣ, аз ҷумла як тоҷикистониро ҳам бо иттиҳоми даст доштан дар ҳодисаҳои моҳи январи соли ҷорӣ ба додгоҳ кашидан мехоҳад.
Бино ба иттилои “ Гуфтам мешавад, дар январи соли ҷорӣ даҳҳо ҳазор нафар сокинони Қазоқистон алайҳи сиёсатҳои ҳукумати кишварашон даст ба тазоҳуроти оммавӣ заданд ва баъди се рӯз ин тазоҳуроти мардумӣ ба хушунат кашида шуд. Қосим-Ҷомарт Тоқаев, раиси ҷумҳури Қазоқистон иштирокчиёни ин тазоҳуротро “тероррист” хонда, аз кишварҳои узви Созмони Паймони Амнияти Дастаҷамъӣ (СПАД) кумак талаб карда буд. Дар натиҷа даҳҳо нафар куштаву захмӣ гардида, зиёда аз 3500 нафар боздошт шуда буд, ки ба гуфтаи мақомоти Қазоқистон дар байни онҳо шаҳрвандони хориҷӣ, аз он ҷумла аз Тоҷикистон низ вуҷуд дошт.
