Президинети Тоҷикистон дар ҳошияи нахустин Нишасти сарони кишварҳои Осиёи Марказӣ-Халиҷ ба Валиаҳди Арабистони Саудӣ мулоқот кард.
Бино ба иттилои расмӣ, шоми 19-уми июли соли 2023, Эмомалӣ Раҳмон бо Муҳаммад бин Салмон дар шаҳри Ҷиддаи Арабистони Саудӣ дидор ва гуфтагӯ кард.
Дар рафти ин мулоқот, ки ҳайатҳои ду ҷониб низ ҳузур доштанд, раҳбарони ду кишвар бештар дар бораи ҳамкорӣ, ҷавлби сармоя ва “тақвияти муколамаи стратегӣ миёни давлатҳои Осиёи Марказӣ ва кишварҳои аъзои Шӯрои ҳамкории кишварҳои арабии Халиҷ суҳбат карданд.”
Ба гуфтаи Хадамати матбуоти Президенти Тоҷикистон, “ҷонибҳо дар рафти вохӯрӣ ба рушду густариши робитаҳои сиёсӣ, тиҷоратию иқтисодӣ дар чаҳорчӯби Кумитаи муштараки дӯстии парлумонӣ, Комиссияи муштараки байниҳукуматии ҳамкории иқтисодию тиҷоратӣ ва илмию техникӣ, Форуми сармоягузории ду кишвар ва Фонди рушди саудӣ, таваҷҷуҳ зоҳир карданд.”
Гуфта мешавад, Президенти Тоҷикистон дар раъси як ҳайти расмӣ барои иштирок дар Нишасти сарони кишварҳои Осиёи Марказӣ-Халиҷ асри дирӯз дар шаҳри Ҷиддаи Арабистони Саудӣ баргузор шуд, бо сафари дурӯза 18-уми моҳи ҷорӣ вориди Арабистони Саудӣ гардида буд.
