Ким Чен Ун, президенти Кареяи Шимолӣ рӯзи чоршанбе бо сафари расмӣ вориди Русия шуда, бо Валидимир Путин, раисҷумҳури ин кишвар мулоқот кард.
Раҳбари Кореяи Шимолӣ, ки бо даъвати расмии Владимир Путин ба ин кишвар омад, дар мулоқот бо Путин иброз дошта, ки ҳоло авлавияти аслии кишвараш таҳкими равобит бо Федератсияи Русия аст.
Дмитри Песков, сухангӯи Кремлин дар робита ба аҳдофи ин сафар гуфт, Путин ва Ким дар ин мулоқот муносибатҳои дуҷониба, таҳкими равобити ду кишвар ва масоили муҳим ва ҳассосро баррасӣ хоҳанд кард.
Аммо Вашингтон мегӯяед, дар ин мулоқот Кареяи Шимолӣ дар муқобили ба даст овардани ғизо ва технологияҳои навин барои сохти киштиҳои ҷосусӣ Маскавро бо силоҳҳои пешрафта, аз ҷумла мушакҳои дурпаймо таъмин хоҳад кард. Чун Путин мехоҳад дар Украина аз онҳо истифода кунад.
Аммо сухангӯи Кремлин дар ишора ба изҳороти Вашингтон таъкид кард, он чизе, ки барои Маскав дар ин мулоқот муҳим дониста мешавад, баррасии манофеи ду давлат аст на ҳушдорҳои Вашингтон.
Ҳазамон бархе таҳлилгарон мулоқоти Ким Чен Унро бо Владимир Путин як навъ муқобила бо НАТО, аз ҷумла бо Амрико медонанд.
Президенти Кареяи Шимолӣ, ки нисбат ба дигар раисҷумҳурон ба хориҷ аз кишвараш хеле кам сафар мекунад, дар 5 соли ахир ин бори дувум аст, ки озими Русия мешавад. Ӯ бори аввал соли 2019 чунин сафаре анҷом дода буд.
Ким Чен Ун бар хилофи дигар раисҷумҳурон на бо ҳавопаймо, балки бо қатори махсусе, ки муҷаҳҳаз бо технологияи муосир аст, вале аз замони Иттиҳоди Шӯравӣ боқӣ мондааст, сафар мекунад.
