Вазирони корҳои хориҷии Ҷумуҳрии Исломии Эрон ва Арабистони Саудӣ дар пойтахти Чин бо ҳам мулоқот мекунанд.
ББС ба нақл аз Ройтерз ва рӯзномаи Аш-Шарқуласати чопи Риёз хабар додааст, ки 6-уми апрели соли 2023 вазирони корҳои хориҷии Ҷумҳурии Исломии Эрон ва Арабистони Саудӣ дар Пекин, пойтахти Чин бо ҳам мулоқот мекунанд.
Ба қавли манбаъ, як мақоми баландпоя дар Теҳрон гуфтааст, аз он ҷое, ки Чин дар таҳсини равобит байни ду кишвар саҳмгузорӣ карда, намояндагони аршади ду кишвар мувофиқат кардаанд, ки фардо, 6-уми апрел дар Пекин мулоқот кунанд.
Гуфта мешавад, Теҳрону Риёз пас аз 7 соли қатъи робита 10-уми марти соли ҷорӣ эълон карданд, ки ҷонибҳо бо миёнҷигарии Чин равобити худро аз сар гирифтанд. Ба дунболи он, сафирони Эрону Арабистони Саудӣ дар ҷашни Наврӯз дар шаҳри Душанбе низ мулоқот карданд.
