Президенти Тоҷикистон Эмомалӣ Раҳмон дар шаҳри Душанбе бо роҳбари ширкати “Трафигура Групп”-и Швейтсария Ҷеремӣ Вейр мулоқот кард.
Имрӯз, 22-уми июни соли 2022, Эмомалӣ Раҳмон, Президенти Тоҷикистон дар Қасри миллат раҳбари ширкати “Трафигура Групп”-и Швейтсария-ро ба ҳузур пазируфт.
Ба гуфтаи Хадамоти матбуоти президент, “Эмомалӣ Раҳомн вохӯрии имрӯзаро имкони хуби муҳокимаи масъалаҳои таҳкими ҳамкорӣ дар соҳаҳои мухталифи истеҳсолот, тиҷорати мол ва логистикаи марбут ба он арзёбӣ карданд.”
Дар рафти мулоқот ҷонибҳо дар барои ҳамкорӣ байни ширкати “Трафигура Групп”-и Швейтсария ва ширкатҳои тоҷикистонии Ҷамъияти Саҳомии Кушодаи “Ширкати Алюминийи Тоҷик”, Корхонаи Муштараки “Зарафшон”, Ҷамъияти Саҳомии Пушидаи “Талко Голд” гуфтугӯ карданд.
Инчунин, тарафҳо дар бораи “коркарди маъданҳои куҳии Ҷумҳурии Тоҷикистон, таъмини таҳвили навъҳои гуногуни маҳсулоти нафтӣ ба Ҷумҳурии Тоҷикистон ва иштирок дар рушди манбаъҳои алтернативии энергия дар Ҷумҳурии Тоҷикистон”-ро низ суҳбат карданд.
Гуфта мешавад, “дар вохӯрӣ ҳамчунин ҷонибҳо оид ба рушди ҳамкорӣ дар соҳаҳои нерӯи барқ ва манбаҳои таҷдидшавандаи нерӯ, интиқоли бор, хизматрасонии логистикӣ ва бахши коркарди металлҳову маъданҳо, инчунин содироти маҳсулот табодули андеша карданд.”
