Имрӯз дар шаҳри Душанбе мулоқоти муовини вазири корҳои хориҷӣ бо сафири Баларус дар Тоҷикистон баргузор шуд.
16-уми ноябри соли 2021 мулоқоти муовини вазири корҳои хориҷии Ҷумҳурии Тоҷикистон Содиқ Имомӣ бо сафири Ҷумҳурии Беларус дар Ҷумҳурии Тоҷикистон Виктор Денисенко баргузор гардид.
Вазорати корҳои хориҷии кишварамон мегӯяд: “Мусоҳибон ҳолат ва дурнамои густариши равобити муносибатҳои Тоҷикистону Беларусро баррасӣ карда, доир ба ҳамкориҳои кишварҳо дар чорчӯби созмонҳои минтақавӣ ва байналмилалӣ табодули афкор намуданд.”
Ба таъкиди манбаъ ин “суҳбат дар фазои дӯстона сурат гирифт”, аммо бо як нигоҳ ба чеҳраҳои мусоҳибон маълум мешавад, ки ҳар ду ҷониб нигарон ва нороҳат аз авзои кишварҳояшон мебошанд.
Тоҷикистону Беларусро касоне идора мекунанд, ки тайи 29-30 соли раҳбарии худ натавонистаанд мардуми худро аз буҳронҳои иқтисодӣ, молӣ ва маъишатӣ наҷот диҳанд, баръакс раҳбарони ҳар ду ҷониб сабабгори шиддат гирифтани буҳронҳои молӣ, иқтисодӣ, ва ҳуқуқибашарӣ дар Тоҷикистону Беларус шудаанд.
