Вазирони корҳои хориҷии Тоҷикистону Беларус ҳангоми мулоқот ва баррасии дурнамои муносибатҳои ду кишвар чанд акси ёдгорӣ гирифтанд.
Ба иттилои сомонаи Вазорати корҳои хориҷии Тоҷикистон имрӯз, 13-уми майи соли 2022 Сироҷиддин Аслов ҳамтои беларусии худ В.В. Макейро ҳамроҳ бо ҳайати расмии он кишвар ба ҳузур пазируфт.
Ба иттилои манбаъ, “мусоҳибон вазъ ва дурнамои муносибатҳои Тоҷикистону Беларусро баррасӣ карда, перомуни масъалаҳои мубрами рӯзномаи байналмилалӣ ва минтақавӣ табодули афкор намуданд.”
Гуфтанист, Вазорати корҳои хориҷии Тоҷикистон бидуни пардохтан ба ҷузъиёти ин нишасти ду ҷонибаи Душанбеву Минск ба ҷуз ишора ба “ҷаласаи навбатии Комиссияи байниҳукуматии ҳамкориҳои тиҷоратӣ ва иқтисодӣ-“и ду кишвар бо нашри панҷ акс аз иштирокчиёни ин мулоқот таъкид кардааст, ки ҳамаашон саломату аз дидори якдигар шод мебошанд.
Ҳамзамон вазири корҳои хориҷии Тоҷикистон бо муовини аввали вазир, иҷрокунандаи вазифаи вазири корҳои хориҷии Ҷумҳурии Узбекистон В.Норов мулоқот карда, ҷонибҳо бо нашри 5 акси ёдгорӣ таъкид кардаанд, ки мулоқот дар фазои хуб гузаштааст.
Ин дидору селфигирии Вазирони корҳои хориҷии Тоҷикистону Беларус дар шаҳри Душанбе дар ҳошияи ҷаласаи Шӯрои вазирони корҳои хориҷии Иттиҳоди Давлатҳои Мустақил сурат гирифтаанд.
