Фардо 4-уми сентябр, дар назди бинои нашриёти Вазорати фарҳаги Ҷумҳурии Тоҷикитон ба муносибати Рӯзи китоб намоиши фурӯши китоб баргузор мешавад.
Тавре АМИТ ”Ховар” ба такия ба Вазорати фарҳаги Тоҷикистон хабар дода, ки Раҳмоналӣ Мирализода сардори Раёсати табъу нашр ва матбуоти ин вазорат гуфта, ки дар ин намоиш-фурӯши китоб нашриёти тобеи Вазорати фарҳанг ва дигар нашриёт китобҳои тозанашри худро ба фурӯш мегузоранд. Ӯ мегяӯд, хонандагон ва дӯстдорони китоб инчунин метавонанд бо муаллифони китобҳо аз наздик шинос шаванд ва аз онҳо соядаст бигиранд.
Ба иттилои расонаҳо, дар Китобхонаи милли Тоҷикистон низ ба мунсибати Рӯзи китоб – рӯзи дарҳои боз эълон шудааст.
Қарор аст мсъулони китобхона меҳмононро ба шароити ин китобхона ошно кунанд. Масъулон ҳадаф аз ташкили ин чорабиниро “баланд бардоштани огоҳӣ ва ҷалби омаи мардум ба китоб хондан” арзёбӣ мекунанд.
Гуфта мешавад, мақомоти кишвар соли 2024-ро “Соли маърифати ҳуқуқӣ” эълон кардаанд. Бо дарназардошти ин, аз ҷониби масъулин озумуни ҷумҳуриявии “Беҳтарин китоби илмӣ, мақолаи илмӣ ва мақолаи илмию оммавӣ” дар соли 2024 них эълон шудааст, ки барои барандаҳо аз 15 ҳазор сомонӣ то 30 ҳазор сомонӣ ҷоиза ваъда шудааст.
Ин ҳам дар ҳоле аст, ки таҳлилгарон сатҳи китобхонии мардуми тоҷикро баҳои паст дода, мегӯянд, насли ҷавони Тоҷикистон чандон алоқае барои хондани китоб надорад ва талошҳои ҳукуматро дар ин самт нокофӣ медонанд.
