Вазирони корҳои хориҷии кишварҳои узви Созмони Ҳамкориҳои Исломӣ дар Арабистони Саудӣ барои баррасии вазъи Ғазза гирди ҳам ҷамъ шуданд.
Бино ба иттилои расмӣ, 18-уми октябри соли 2023 вазирони корҳои хориҷии кишварҳои узви Созмони Ҳамкориҳои Исломӣ бо даъвати Арабистони Саудӣ дар шаҳри Ҷидда дар бораи ҳодисаҳои ахир дар Фалистин гуфтугӯ каданд.
Созмони Ҳамкори Исломӣ гуфтааст, ки ин нишасти изтирории вазирони корҳои хориҷӣ дар мақарри асосии он дар шаҳри Ҷиддаи Арабистони Саудӣ баргузор гардид ва масъалаи асосии он баррасии қазияи Фаластин буд.
Ҳусейн Иброҳим Тоҳо, раҳбари Созамони Ҳамкориҳои Исломӣ гуфта, ки баргузории ин ҷаласаи изтирорӣ ба замоне рост меояд, мардуми Фаластин дар вазъи ногувор қарор доранд. Қазияи Фаластини дар сархати барномаҳои ин созмон аст ва кишварҳои узв аз он ҳимоят мекунанд.
Пеш аз ин Вазорати корҳои хориҷии Эрон эълон карда буд, ки ин кишвар барои баргузории нишасти изтирории вазирони корҳои хориҷии кишварҳои узви Созмони Ҳамкории Исломӣ омода ҳастанд, вале ин нишасти имрӯза бо даъвати Арабистони Саудӣ дар Ҷидда баргузор гардид.
Гуфта мешавад, нишасти изтирории созмони мазкур дар замоне баргузор мегардад, ки шоми дирӯз бар асари як ҳамла ба бемористони ал-Аҳлӣ дар Ғаззаи Фаластин дасти кам беш аз 1000 нафар кушта ва захмӣ шуданд. Қисме зиёде аз қурбониёни ин ҳодисаро кӯдакон ва занон ташкил намуданд. Ин ҳодиса вокуниши қариб куллӣ кишварҳои исломӣ, аз он ҷумла Тоҷикистонро ҳам ба бор овард.
Созмони Ҳамкориҳои Исломӣ пас аз Сомзони Милали Муттаҳид дувумин созмони бузурги ҷаҳонӣ аст, ки 57 кишвари узв дорад. Аксари кишварҳои узви ин созмонро кишварҳои осиёӣ ва африқоӣ ташкил медиҳанд.
