Вазорати корҳои дохилии Тоҷикистон хабар дод, ки шуруъ аз имрӯз, 01-уми август амалиёти шартии “Тасмаи бехтарӣ” дар ҳудуди ҳама шаҳру ноҳияҳои кишварро роҳандозӣ мекунад.
Ба иттилои ВКД, амалиёти “Тасмаи бехатарӣ” дар саросари кишвар 20 рӯз давом мекунад.
Ба қавли манбаъ, “таҳлил ва мушоҳидаҳо нишон медиҳанд, дар бештари садамаҳои нақлиётӣ, ки ронандагон ва мусофирон аз беаҳамиятӣ тасмаи бехатариро истифода накардаанд, оқибат ба ҷароҳату ҳалокшавии шаҳрвандон анҷом ёфтааст. Махсусан дар ҳолати дар курсии пеш шинондани кӯдакони хурдсол, ки тибқи талаботи Қоидаҳои ҳаракат дар роҳ қатъиян манъ карда шудааст, чунин ҳолатҳо ба чашм мерасанд.”
Гуфта мешавад, хеле аз коршиносон бар ин боваранд, ки аксари садамаҳои пурқурбонӣ дар Тоҷикистон ду сабаб доранд: 1. аз меъёри муайнгардида зиёдтар гирифтани мусофирон. 2. Набастаи тасмаи бехатарӣ ва дар умум дуруст риоя накардани қоидаҳои бехатарии ҳаракат дар роҳ мебошанд.
Вазорати корҳои дохилии Тоҷикистон аз ҳама ронандагон хостааст, “ҳангоми идораи воситаи нақлиёт ба таври қатъӣ аз “тасмаи бехатарӣ” истифода намуда, ҷони худро зери хатар нагузоранд.”
